أنا حـــــلقي جف وريقي ناشــف
أنا نظــري ضاع مابقتش شـايف
معقــــــــــول صبحت أنا الإنسان
تـرس في آله ويا ريتني عــارف
وآه
كلاب وخنازير مَليِين عــرض الطـريق
ويـــا ويله اللي يفوت مـن غير صـديق
هيـــــحس إنه غـــريب وف دنيا تانــيه
ومـــن المؤكد هيشعر بغثيان وضــيق
وآه
عــــــــيد والدنـــــــيا زحمه وحـــر موت
ومفيـــــــش مـــكــان للي بيحب السكوت
النـوادي والجــناين والمراسي كومبليت
ومــقدامــــــــيش غـــير إني أطق أموت
وآه
* * *
أنا قلـــبي كان مـولود بـريء
وكان صـافى وبيحب الشقيق
إزاي قِـــــــدِر يمـــــص دمه
ويطــــعنه بحــق وحـــــقــيق
وآه
* * *
أحــــــــب الضــــــتحك للـضحك ولـــــو ملوش أسبـــاب
وبَضحَك وأكـــــــركر عــلى أي حاجه ولوكـــانت عـذاب
مين اللي بيلـــــــــــومني أستاذ نكد ولا الست تكـشـيره
يا ريــتهم يضحكوا زيي محلاها عيشه المرح يا أحـباب
وآه
* * * 
مــــركب ورق بتـــعوم قصادي في طشط مَيَّه
وعليها ركابها من النمل اللي ياما قرص فِيَّه
أغَــــــــرَّقها ولا أحــرقها ولا أعــمل فيها إيه
حـــاولت بــــــــس ما اقــــدرتش صِـعبُم عَلَيَّه
وآه
ما فــي حــــد في السجن يقـــدر يغير حياته
ولا حد عايش في الزمان ده كله غير لذاته
الدنيـــا ســـــــــجن كبيــر وزمنا سَجَّانَا وآه
عاللي يحــاول يـهـــرب يبقى الموت جزاته
وآه
الجمعة أبريل 02, 2010 1:13 pm
